BINTI MDOGO KUTOKA MTWARA AIBUKA MSHINDI WA SHINDANO LA TANZANIA MOVIE TALENTS

 Mwanaafa akiangua kilio cha furaha

Baadhi ya washiriki waliofanikiwa kuingia kumi bora

Baadhi ya washiriki wa Shindano la Tanzania Movie Talents (TMT) waliofanikiwa kuingia fainali

Mshiriki kutoka Mtwara, Mwanaafa Mwinzago ameibuka kidedea katika shindano la Tanzania Movie Talent ( TMT) liliofanyika usiku wa kuamkia leo kwenye Ukumbi wa Mlimani City, Jijin Dar Es Salaam.

Katika shindano hilo ambalo washiriki 10 waliingia hatua ya fainali, ambapo Mwanaafa aliweza kuzoa kura nyingi zaidi na hivyo kujiwekea kibindoni Shilingi milion 50 hayo na kuwatimulia vumbi washiriki wengine.

Awali kabla kabla ya kutangazwa mshindi, Mwenyekiti wa Kampuni ya Proin Promotions, Johnson Lukaza alitoa ahadi kwamba kamouni hiyo itajitolea kumsomesha mtoto Mwanaafa ili aweze kufanikiwa kufikia malengo yake.

Mwanaafa ndiye mshiriki mdogo kuliko wote katika shindano hilo lililoandaliwa na Proin Promotions ambapo miongoni mwa majaji watatu, wawili walikuwa waigizaji maarufu nchinin, Single Mtambalike maarufu kama Rich na Yvonne Cherie maarufu kama Monalisa na Jaji mkuu alikuwa Roy Sarungi. Mara baada ya kutangazwa mshindi, Mwanaafa aliangua kilio cha furaha kuonesha kutoamini kwamba amefanikiwa kunyakua mamilioni hayo huku akuhaha huku na kule kumtafuta mama yake jukwaani.

Hata baada ya kuitwa na kukabidhiwa hundi ya Shilingi milioni 50 na Mwanaafa aliendelea kububujikwa na machozi ya furaha kuonesha kabisa kutoamini kinachotokea.

HONGERA  MWANAAFA KWA USHINDI

BOFYA HAPA KULIKE PAGE YETU