TUZO ZA KILI KUFANYIKA JUMAMOSI, MILLARD AYO, MISAGO NA JOKETI WAPATA SHAVU

Homa ya tuzo za muziki za Kilimanjaro, KTMA 2014 imezidi kupanda zaidi nchini na Jumatano hii shughuli ya upigaji kura inafungwa rasmi. Waimbaji waliotajwa kuwania tuzo hizo mwaka huu, wanamalizia kuwaomba mashabiki wao wawapigie zaidi kura ili waibuke washindi.

Mashabiki wana hamu kubwa ya kufahamu iwapo wasanii waliowapigia kura watashinda kweli ama tuzo zitaenda kwa watu wengine. Majibu ya maswali hayo muhimu hayawezi kupata jibu leo wala kesho, bali ni usiku wa Jumamosi, May 3,  kwenye ukumbi wa Mlimani City pale tuzo hizo zitakapotolewa.

Mwaka huu tuzo za Kili zina jumla ya vipengele 34 ambapo majina ya washiriki yalipatikana kutokana na mchakato wa kuwapendekeza uliofanywa na wananchi wenyewe.

Ili kupata washindi katika kila kipengele,  Watanzania wamepiga kura kukamilisha asilimia 70 za kura za wapenzi na mashabiki wa muziki nchini na asilimia 30 za kura zitatoka kwa majaji.

Majaji mwaka huu walikuwa ni mjumuisho wa wasimamizi/waandaji na waongoza vipindi vya chati mbalimbali za redio pamoja na runinga, wataalam wa muziki pamoja na wadau wa muziki nchini. Majaji walikuwa 15 ambapo 8 ni kutoka kwenye chati za muziki za redio na runinga, wawili ni wataalam wa muziki na wa 5 ni wadau wa muziki. Utaratibu huo uliwekwa ili kuhakikisha kuwa wanapatikana washindi halali katika kila kipengele.

Kwa upande washereheshaji wa tuzo hizo mwaka huu, hakuna mabadiliko sana kwakuwa Jokate Mwegelo ametangazwa kuwa mtangazaji wa red carpet na Millard Ayo pamoja na Sam Misago wakiwahoji wasanii na wadau wengine kwenye social media lounge.

 

BOFYA HAPA KULIKE PAGE YETU