TAARIFA KUHUSU VIUNGO VYA BINADAMU VILIVYOOKOTWA BUNJU 'B' DAR ES SALAAM

 Baadhi ya viungo vilivyokutwa kwenye dampo hilo

POLISI mkoani Dar es Salaam wamekamata viungo mbalimbali vya binadamu vilivyohifadhiwa katika mifuko ya plastiki katika dampo la takataka lilipo maeneo ya Bunju B wilayani Kinondoni.Taarifa zinasema miili hiyo imeonekana ikiwa imetelekezwa katika eneo hilo pamoja na kufungwa kwenye mifuko hiyo, ikiwa imekaushwa huku baadhi ya viungo vikionekana kua vya watu wazima.

Akihojiwa na vyombo vya habari Kamanda wa Polisi Mkoa wa Kipolisi wa Kinondoni, Kanda Maalum ya Dar es Salaam, Cammillius Wambura amethibitisha kukamatwa kwa viungo hivyo. Kamanda Wambura amesema viungo hivyo vimepelekwa Muhimbili kwa uchunguzi zaidi huku jeshi hilo likiendelea na uchunguzi zaidi ili kubaini ukweli wa tukio hilo.

 Mguu wa binadamu ukiwa umechunwa ngozi

Tukio hilo lililoibua hisia kali kwa wananchi limesababisha polisi kufyatua mabomu ya machozi kudhibiti wananchi waliofurika na kutaka kuvamia kituo cha polisi kumkamata dereva wa gari lililokutwa na viungo hivyo.

Akizungumzia kuhusu dereva wa gari ambalo lilikuwa linasadikiwa kubeba viungo hivyo, amesema kwamba watu wanachanganya habari, dereva huyo alikuwa amebeba uchafu kutoka Interchick  ambao ulikuwa unatoa harufu kali sana na alikuwa anaenda kumwaga kwenye dampo hilo hilo. Kwa hiyo wananchi wakadhani ndiye aliyetupa viungo hivyo na alikuwa anaenda kutupa kwa mara nyingine, hapo ndipo baadhi ya wananchi wakambana dereva na kwenda kituo cha Polisi kilichopo Bunju. Lakini baada ya polisi kukugaua uchafu uliobebwa kwenye gari hilo waligundua kuwa sio viungo vya binadamu bali ni uchafu kutoka Interchick.

 Gari linalosadikika kutupa viungo hivyo

Kamanda Cammillius Wambura amewaomba wananchi kuacha kueneza habari ambazo hawana uhakika nazo  katika mitandao ya kijamii na kwingineko na badala yake wawaachie jeshi la polisi lifanye uchunguzi ili kubaini ukweli wa tukio hilo.

 BOFYA HAPA KULIKE PAGE YETU